Rreth Maré
Maré (deti) është marka bregdetare e White Hill: diell, det dhe ritëm i qetë mesdhetar. Identiteti duhej të përcillte ngrohtësi, dritë dhe elegancë verore.
Çfarë përmban brandbook-u i Maré?
Brandbook-u është manuali zyrtar i identitetit vizual të Maré. Në 22 faqe ai shpjegon si duhet përdorur marka në çdo pikë kontakti, nga kartvizita deri te fasada, faqja web dhe rrjetet sociale. Përmban këto kapituj:
- 01 Hyrje: misioni, vizioni dhe vlerat e markës
- 02 Koncepti: ideja pas simbolit
- 03 Logoja: versioni kryesor, konstruksioni, hapësira mbrojtëse, variantet dhe përdorimi i gabuar
- 04 Ngjyrat: paleta kryesore, gradienti dhe paletat alternative
- 05 Tipografia: fontet dhe hierarkia e teksteve
- 06 Elementet grafike: motivi dhe ikonografia
- 07 Materialet e zyrës: kartvizita, letra me kokë, zarfi, badge dhe fletushka
- 08 Sinjalistika: fasada dhe orientimi
- 09 Digjitale: faqja web dhe rrjetet sociale
Pse duhet një logo?
Logoja është identiteti i një biznesi. Është gjëja e parë që klienti sheh dhe e fundit që i mbetet në mendje. Një logo e mirë e bën biznesin të njohur menjëherë dhe e ndan nga bizneset e tjera në të njëjtën fushë. Në sektorin beach & restaurant konkurrenca është e madhe, prandaj Maré ka nevojë për një shenjë që e dallon qartë dhe ndërton besim që në kontaktin e parë.
Çfarë simbolizon logoja e Maré?
Simboli është një diell me rreze që lind mbi valë të stilizuara, i mbyllur në një rreth të hollë. Emri MARÉ me shkronja të holla Art Deco, me theks mbi E dhe nënshkrimin “by White Hill”, e bën markën të lehtë dhe elegante.
Pse janë të rëndësishme ngjyrat?
Ngjyrat ruajnë dhe forcojnë identitetin dhe emrin e biznesit. Kur përdoren gjithmonë njësoj, klienti e njeh markën edhe pa e lexuar emrin. Paleta e Maré është marrë drejtpërdrejt nga logoja dhe përcakton ngjyrat për tituj, sfonde, materiale të shtypura dhe ekrane, me kodet HEX, RGB dhe CMYK për çdo ngjyrë:
Pse kanë rëndësi fontet?
Fontet i japin markës zë. E njëjta fjali duket krejt ndryshe me një font klasik ose me një font modern. Kur fontet janë të përcaktuara, çdo dokument, post apo tabelë duket si pjesë e së njëjtës familje. Për Maré janë zgjedhur Art Deco i hollë (tip Poiret One) për logon dhe titujt kryesorë, dhe Montserrat për tekstin, dokumentet dhe ndërfaqet digjitale. Brandbook-u përcakton edhe hierarkinë: madhësitë dhe peshat për tituj, nëntituj dhe tekst.
Pse duhen rregullat e përdorimit të logos?
Një logo e bukur humbet vlerën nëse shtrembërohet, ngjeshet ose vendoset mbi sfonde të gabuara. Prandaj brandbook-u përcakton hapësirën mbrojtëse rreth logos, madhësinë minimale, variantet (horizontale, vertikale, simboli) dhe versionet me ngjyra, bardhë e zi. Faqja “Përdorimi i gabuar” tregon qartë çfarë nuk duhet bërë, që marka të duket gjithmonë profesionale.
Pse materialet e zyrës dhe sinjalistika?
Identiteti nuk jeton vetëm në ekran. Kartvizita, letra me kokë, zarfi, badge-t, fletushkat A5 dhe tabela në fasadë janë vendet ku klientët e takojnë Maré në jetën reale. Kur të gjitha ndjekin të njëjtat rregulla, biznesi duket më i organizuar dhe më i besueshëm.
Pse prezenca digjitale?
Sot shumica e klientëve e njohin një biznes fillimisht në internet. Brandbook-u tregon si përdoret identiteti i Maré në faqen web dhe në rrjetet sociale (foto profili, kopertina, postime), që marka të jetë e njëjtë kudo ku shfaqet.
Vlerat dhe personaliteti i markës
Vlerat: Diell, Det, Qetësi, Elegancë.
Personaliteti: I ngrohtë, i lehtë, elegant.
Slogani: “Ku dielli takon detin.”
Shiko brandbook-un e plotë
Logoja, identiteti vizual dhe brandbook-u i Maré janë dizajnuar nga Alla Design.
